تقاسيم ع الدارج 2/2

لمن تكوني بالقلب وبالعيون هالضوّ
بلاقي جواب لكل الأسئلة الوجودية
ما بعود إعتل هَمّ ولا بقى بهتم
مين هُوّي أنا ومين إنتِ هِييّ

لا لوين بهالعروق ماشي هالدم
أحمر ع أخضر ع أزرق حرية
ع ولد عم يلعب شفتو بِعَينيكي
أنا، جيت ع الدني بس مرسال
وإحساس بالأمومة حاملك هدية

معك مراحل العمر والفوارق بتنزاح
بغفى ع إيديكي طفل بوعى رجال
بشيب العمر وبيبقى معلّق الزمان
رمشك زِهر بيهرّ فصول ع المكان
ومن الخدين تغار الورود الجورية

رح ضل اكتبك أنا تلاقيكي
ودوّر بحالي وين بدّي خبّيكي
حتى منّك ومن حالي إحميكي
يعن عبالي لحن قوم غنّيّكي
يحن لخصرك الرقص هدّيكي
هيك، بعيوني نتفة والباقي بإيديّ

وما يعود للحكي مطرح بقى
اسكت بعد ما قول بيكفي شقا
تفتح قلبها وإرجع محلّي أنا
مش سألان ساعتها إن فليت
رح تنجبني عن جديد هيي

Advertisements

4 تعليقات to “تقاسيم ع الدارج 2/2”

  1. jafra Says:

    حلوة ساعة 4 صبح 🙂

  2. salimallawzi Says:

    صارت تحكي وتتغنج عليي
    وبسحر كلماتها بتلمع عينيي
    وإضحك وزيدهم ضحكة جنونيي
    وبضحكت عيونها ضاعت هــ الغنيي

    يا بنت، سرقتي اللمعة من عيوني
    وحولتي الدمعة لضحكة بين جفوني
    وبلمسة إيدك تشهشؤا ضلوعي
    وحياتك يا أميرةـ لتسكني عروقي

    كيف ما برمت عم شوف وجك
    بين النهدة والنهدة بقول إسمك
    ومن عمري بشيل وبزيد بعمرك
    وبغفى ب هل ليل ع خصرك

    يا أميرة ويا مجنوني
    يلي حضنتي حناني، يا حنوني
    إلك شعري وحبة زيتوني
    هيدا يلي بملكو ب هل دنيي الملعوني

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: