يا هالغنيّة

رح اكتب قبل ما فلّ من هالدِني غِنيّة
سِلّم الموسيقى رح يكون رموش الصبية
تَسَلّل الضو من عيونها وحدات القياس
ونسمة هوا من الجبين للخدين إفتتاحية

***
تدشر إيديها ع مستوى الكتاف
ع طول شعرها تقشط الكلمات
يسرح الضو بين أرضها والسما
أشكال، ألوان
ولمّن تسقط ع خصرها الألحان
تميل الكرة الأرضية.

***
وأوقع أنا، توقع النغمات
ضيع بالكحل
اعِتق، دوب، اغرق
بالنبيذ على الشفاف
اسِكر.. طِير
اغفى
فيق،
لاقيني وَتَر ع أصابعها
دايرة اوركسترا سيمفونية

***
الأصابع تأشّر بالومى صدى نايات
قلوبنا صارت طبول تدوزن الدقّات
وع كل خلية رجفة
يعبر الهوا من المسامات
يوقع الزهر
ومطر زخات
متل ما بتحفر الشمس جبين الأرض
يجي الشتي ويطلعو النباتات
وتصفّي الدِني خضرا وبهيّة

***
يهدى الإيقاع نتفة وتشرد الهمسات
مشروع عاصفة ناطر خلف البواب
وفكر يعصر بالجمجمة الإحتمالات
بنلف وندور، بنرجع وبنروح
وبتبقى القضية:
هالنَفَس.. هالروح وتوقها للحريّة

***
يتعمشق الهوا ع صدرها، رقّ
يطّير الحمام
يقوى العزف، تعلق ببعضها
الفرقة الموسيقية
ونركض بمحل حلّنا
رقصة غزلان
المكان مبعثر حفنة تراب وغبار
والزمان يطلع شغلة مش حقيقيّة

***
وتطلع الخبرية بالعيون الأسرار
ولاد حابين يكمّلو المشوار
يدَحْرجو خيطان الضو ع تلالنا
ع شط البحر
ويتمرجحوا عليها، فعل إغراء
بالليل دفا للعاشقين
مفتاح الصبح بإيديهن ماسكين
نسرح بالنهار، نكبر
ونرجع بالمسا، متل ما كنا
ولاد زغار.. للدِني، أمّنا
.. يطلع ما خصّنا بشي نحن
كل شي إجا من عيونها
ويل بيروح بيرجعلها هيي

Advertisements

2 تعليقان to “يا هالغنيّة”

  1. jafra Says:

    رائعة…رائعة…رائعة!!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: